| А сыто жидове зовут Шабат своими жидовы, а то лжут; а шаибатене не жидова, ни бесермена, ни крестьяне, иная вра индийскаа, ни с худы, ни з бесермены ни пиют, ни ядят, а мяса никакова не ядят. Да в Шабате же все дешево. А родится шолкъ да сахар, велми дешев. Да по лсу у них мамоны ходят да обезьяны, да по дорогам людей дерут; ино у них ночи по дорогам не смют здити обезьянъ для да мамон для. От Шабата же 10 мсяць сухом итти, а морем 4 мсяцы аукыиков. 758 А у оленей кормленых ржут пупки, а в нем мускус родится; а дикие олени пупкы из собя роняют по полю и по лсу, ино ис тх воня выходит, да и сь сть тот не свж. Мсяца маиа 1 день Велик день взял есми в Бедере 759 в бесерменском в Гундустан, а бесермена баграм взяли в середу мсяца; 760 а заговл есми мсяца априля 1 день. О благоврнии рустии кристьяне! Иже кто по многим землям много плавает, во многия беды впадают и вры ся да лишают крестьяньские. Аз же, рабище Божий Афонасий, сжалихся по вре крестьянской. Уже проидоша 4 Великая говйна и 4 проидоша Великыя дни, аз же гршный не вдаю, что есть Велик день или говйно, ни Рожества Христова не знаю, ни иных праздников не вдаю, ни среды, ни пятницы не вдаю – а книг у меня нту. Коли мя пограбили, ини книги взяли у меня. Азъ же от многия беды поидох до Индя, занже ми на Русь поити н с чем, не осталось у меня товару ничего. Первый же Велик день взял есми в Каин, а другый Велик день въ Чебокару 761 в Маздраньской земл, третей Велик день в Гурмызе, четвертый Велик день взял есми в Ынде з бесермены в Бедер; ту же много плаках по вре кристьяньской. Бесерменин же Меликъ, тот мя много понуди в вру бесерменьскую стати. Аз же ему рекох: «Господине! Ты намаз каларъсень, мен да намаз киларьменъ; ты бешь намазъ кыларъсиз, мен да 3 каларемен; мень гарипъ, а сень инчай». Он же ми рече: «Истинну ты не бесерменин кажешися, а крестьяньства не знаешь». Азъ же во многыя в помышлениа впадох, и рекох в себ: «Горе мн, окаянному, яко от пути истиннаго заблудихся и пути не знаю, уже камо поиду. Господи Боже Вседрьжителю, творець небу и земли! Не отврати лица от рабища твоего, яко въ скорби есмь. Господи! Призри на мя и помилуй мя, яко твое есмь создание; не отврати мя, Господи, от пути истиннаго, настави мя, Господи, на путь правый, яко никоея же добродтели в нужи тъй не сътворих тоб, Господи Боже мой, яко дни своя преплых во зл все. Господи мой, олло перводигерь, олло ты, карим олло, рагим олло, карим олло, рагимелло; ахамдулимо. Уже проидоша Великия дни четыре в бесерменской земл, а крестьянства не оставих. Дале Богъ вдает, что будет. Господи Боже мой, на тя уповах, спаси мя, Господи Боже мой». |
